Belçika taxtının varisi Şahzadə Elizabet Harvard Universitetində magistr təhsilinin birinci ilini başa vurub. Amma ABŞ Prezidenti Donald Trampın Harvardda əcnəbi tələbələrə qoyduğu qadağa onun təhsilinin yarımçıq qalmasına səbəb ola bilər.
Teleqraf xəbər verir ki, Belçika kral sarayının sözçüsü Lore Vandurn deyib:
"Şahzadə Elizabet Harvardda təhsilinin birinci ilini başa vurdu, Tramp adminstrasiyasının qərarının onun təhsilinə təsiri yaxın günlərdə məlum olacaq. Hələ ki araşdırma aparırıq".
Qeyd edək ki, şahzadə Elizabet Harvard Universitetində dövlət siyasəti üzrə magistr təhsili alır. Bundan əvvəl o, Oksford Universitetində tarix və siyasət üzrə ali təhsil alıb.
