"Microsoft"-un qurucusu Bill Qeytsin sərvətinin əsas hissəsi Afrikaya humanitar yardıma sərf olunacaq.
Teleqraf xəbər verir ki, o, bu barədə iyunun 2-də Afrika İttifaqının Efiopiyanın paytaxtı Əddis-Əbəbədəki mənzil-qərargahında çıxışı zamanı bildirib.
O deyib: "Mən bu yaxınlarda söz verdim ki, sərvətim növbəti 20 il ərzində xərclənəcək. Bu maliyyənin əsas hissəsi Afrikadakı problemlərin həllinə kömək etmək üçün xərclənəcək".
O əlavə edib ki, pul Bill və Melinda Qeyts Fondu vasitəsilə çatdırılacaq.
Yazda Qeyts elan etmişdi ki, 2045-ci ilə qədər fond müxtəlif layihələrin maliyyələşdirilməsinə 200 milyard dollar yönəldəcək.
Bu gün Geyts planetin ən varlı adamları siyahısında beşinci yerdədir. Onun şəxsi sərvəti 175 milyard dollara çatır.
