Bolqarıstan Avropa valyutasına keçidi 2026-cı il yanvarın 1-dək başa çatdırmağı gözləyir. Bu proses iyul ayında bir sıra Avropa qurumları tərəfindən bu qərarın rəsmi təsdiqindən sonra fəaliyyətə başlayacaq.
Trend-in məlumatına görə, bu barədə ölkənin baş naziri Rosen Jelyazkov bildirib.
"Bu, iyulun 8-də qəbul ediləcək qərarlar, Avropa Parlamenti və Avropa İttifaqı Şurasının qərarları ilə rəsmiləşdiriləcək. Bu qərarlarla avronun dövriyyəyə buraxılması prosesi 2026-cı il yanvarın 1-də rəsmi olaraq başlayacaq", - deyə baş nazir qeyd edib.
O əlavə edib ki, bu tarixdən həm də ötən il Bolqarıstan Milli Assambleyasının avronun dövriyyəyə buraxılması ilə bağlı qəbul etdiyi qanuna uyğun olaraq müəyyən tədbirlərə başlanılacaq.
