Böyük Britaniyanın şahzadəsi Anna elan olunmamış səfərlə Ukraynanın paytaxtı Kiyevə gəlib.
Axar.az xəbər verir ki, bu barədə BBC məlumat yayıb.
Səfərin məqsədi Rusiyanın təcavüzündən zərər çəkmiş ukraynalı uşaqlara dəstək göstərməkdir.
Məlumata görə, səfər zamanı şahzadə Anna Ukrayna Prezidenti Vladimir Zelenski və birinci xanım Yelena Zelenskaya ilə görüşüb. Onlar Rusiya tərəfindən öldürülmüş uşaqların xatirəsini anıblar və deportasiyadan geri qaytarılan yeniyetmələrlə görüşüblər.
Xatırladaq ki, sentyabrın 12-də şahzadə Harri də Kiyevə elan olunmamış səfər etmişdi.
