Cənubi Koreyada Prezidenti Yun Sok-Yölü həbs etməyə çalışan birgə istintaq qrupu və prezident mühafizəsi arasında qarşıdurma iki saatdan artıqdır ki, davam edir.
APA xəbər verir ki, bu barədə “Yonhap” agentliyi məlumat yayıb.
“Müstəntiqlər barrikadaların birinci və ikinci cərgələrini aşıblar və hazırda onlar igamətgahın mühafizə xidmətinin qarşısında dayanıblar”, - məlumatda deyilir.
***
07:25
Cənubi Koreya Prezidenti Yun Sok Yölü həbs etmək üçün onun iqamətgahına gedən hüquq-mühafizə orqanlarının əməkdaşları ilə binanı və dövlət başçısını qoruyan hərbçilər arasında toqquşmalar baş verib.
APA xəbər verir ki, bu barədə “Yonhap” agentliyi məlumat yayıb.
Bildirilib ki, hərbi qulluqçular iqamətgahın ərazisində prokurorluq əməkdaşlarının qarşısını kəsiblər.
Təfərrüatlar açıqlanmır.
