Çin təhlükəli çikunqunya virusunun yayılması ilə üz-üzədir.
Sherg.az xəbər verir ki, “The Independent”in məlumatına görə, artıq 5000-dən çox yoluxma halı qeydə alınıb. Təkcə ötən həftə Quanqdonq əyalətində 2800 yeni yoluxma aşkar edilib.
Bu virus əsasən, ağcaqanadlar vasitəsilə yayılır və yüksək hərarət, güclü oynaq ağrılarına səbəb olur, bəzən isə sinir sisteminə də zərər verə bilir. Daha narahatedici məqam isə odur ki, virusa qarşı təsirli bir müalicə yoxdur. Bu da səhiyyə mütəxəssisləri arasında ciddi narahatlıq doğurur.
Hökumət "Aedes aegypti" adlı bu virusdaşıyıcı ağcaqanadlarla mübarizə aparmaq üçün bu ağcaqanadların sürfələri ilə qidalanan iri yırtıcı ağcaqanadları virusun yayıldığı ərazilərə buraxıb.
