Danimarka məktəblərdə və məktəbdənkənar dərs klublarında smartfonları qadağan etməyə hazırlaşır.
Sherg.az BBC-yə istinadən xəbər verir ki, Təhsil naziri bu planı uşaqların rifahına baxmaq üçün hökumət tərəfindən yaradılan komissiyanın tövsiyələrindən sonra elan edib.
Danimarka hökuməti tam təfərrüatları açıqlamayıb, lakin Uşaqlar və Təhsil Naziri Mattias Tesfaye deyir ki, qadağanın tətbiqi ilə nə tənəffüs, nə də dərs zamanı məktəbdə mobil telefonlar və şəxsi planşetlərə icazə verilməyəcək.
"Telefon uşağın yataq otağına girən kimi onun bütün "yerini" tutur" və onların özünə inamını məhv etmək riski daşıyır. Əllərində bu cihaz olan kimi onların rifahı pisləşir", - komissiyanın prezidenti Rasmus Meyer deyib.
Bu ayın əvvəlində Birmingem Universitetində aparılan araşdırmalar göstərib ki, telefonlar onlardan daha çox istifadə edən tələbələrin rifahına və təhsil həyatına daha çox mənfi təsirlər göstərə bilər.
Lakin araşdırma telefonları qadağan edən məktəblər və bunu etməyən məktəblərin müqayisəsini də aparıb və məktəbdə telefonların qadağan edilməsinin şagirdlərin göstəricilərində çox da fərq yaratmadığı qənaətinə gəlib.
