Dünya koronavirus epidemiyası ilə mübarizə apardığı bir zamanda Salvadorın paytaxtında çəkilən fotolar dünyanı dəhşətə gətirib.
Latın Amerikası ölkələri arasında ən yüksək cinayət hadisələrinin təsadüf edildiyi Salvadorun paytaxtı San Salvadorun İzalco həbsxanasında çəkilən görüntüləri Reuters agentliyi yayıb.
Sherg.az türk mediasına istinadən xəbər verir ki, Savador prezidenti Nayib Bukele, ölkədə bir gündə baş vermiş 22 cinayət hadisəsindən sonra kriminal dəstə üzvlərinin saxlandığı həbsxanada 24 saatlıq bir cəza qərarı verib.
Nayib Bukele, dəstə liderlərinin dəmir barmaqlıqlar arxasında yenə qətl əmrləri verdiyinə görə məhbusların təkadamlıq kameralara qoyulacağını söyləyib.
Prezident Bukele, polisin cinayətləri araşdırarkən təcili tədbirlərin görülməsinin vacib oluğunu əlavə edib.
Bir gündə 22 cinayətin hadisəsinin baş verməsi ötən ilin iyunundan vəzifəyə başlayan Nayib Bukele üçün bir ilk olmuşdur.
Bukele Twitter-də paylaşdığı mesajında yazırdı: "Xarici dünya ilə heç bir əlaqə yoxdur. Mağazalar bağlı qalacaq və növbəti elana qədər bütün fəaliyyətlər dayandırılacaq. Cinayyətkar şəbəkə liderləri həbs altına alınacaq."
Salvador Prezidenti, 2019-cu ilin 25 oktyabr günü ölkəsində heç bir qətl hadisəsinin baş verməməsinin sevincini sosial media hesabından yaymış və dünyada gündəm yaratmışdı.
Turan
