Dünyanı bürüyən koronavirus epidemiyası ilə bağlı Çini çətin duruma salacaq çox tənqidi bir izahat gəldi. "Koronavirus Uhandakı laboratoriyadanmı sızdı? sualına qəti bir cavab verilib. ABŞ tərəfdən açıqlanan "bir çox sübutumuz var" ifadəsindən sonra dünyanı nə gözləyir?.
Sherg.az xarici mediaya istinadən xəbər verir ki, ABŞ dövlət katibi Mayk Pompeo, Çinin Uhan şəhərindəki laboratoriyadan yeni koronavirusunun (covid-19) yayıldığına dair bir çox dəlil olduğu iddiasını irəli sürüb.
Amerikanın ABC News telekanalının qonağı olan Pompeo, Kovid-19-la bağlı sualları cavablandırıb.
Pompeo, Çin rəhbərliyinin beynəlxalq agentliklərdə çalışan jurnalistlərə xəbər verən Çin həkimlərini susdurmaqla Uhandakı virusu gizli saxlamağa çalışdığını və bunun dünya miqyasında yüz minlərlə insana təsir etdiyini vurğulayıb.
Çin rəhbərliyinin bu təşəbbüsü ilə bağlı açıq-aşkar bilgiləri olduğunu ifadə edən Pompeo, "Prezident Tramp bu mövzuda çox aydın fikirə malikdir" deyə bildirib.
Pompeo, ABŞ olaraq, virusun Uhandan çıxdığını bildirən ilk ölkə olduqlarını və buna görə də tənqidlərə məruz qaldıqlarını, ancaq digər ölkələr oxşar açıqlamalardan istifadə etməyə başladığını deyib.
Pompeo daha sonra sözlərinə belə davam edib:
"Kəşfiyyat orqanları bununla bağlı işlərini davam etdirməlidir, amma sizə deyə bilərəm ki, bunun (Kovid-19) Uhandakı laboratoriyadan çıxdığına dair bir çox dəlil var. "
Turan
