Avstraliyanın Hobart şəhərinin limanında istehsalçısının dünyanın ən böyük gəmisi adlandırdığı elektrik gəmi suya salınıb.
Publika.az "The Guardian"a istinadən bildirir ki, onun uzunluğu 130 metrdir.
"İnkat" kompaniyası tərəfindən inşa edilən gəmi "Hull 096" adlanır. O, Cənubi Amerikanın bərə operatoru "Buquebus" tərəfindən layihələndirilib və Argentinanın paytaxtı Buenos-Ayres ilə Uruqvay arasında La Plata çayı boyunca xidmət göstərəcək. Gəminin layihə gücü 2100 sərnişin və 225 nəqliyyat vasitəsidir.
"Hull 096" yalnız akkumulyatorlardan gələn elektrik enerjisi ilə işləyəcək. Onların ümumi kütləsi 250 ton, quraşdırılmış gücü isə 40 meqavat-saatdan çoxdur. Gəmi istehsalçısı "Hull 096"nı indiyə qədər həyata keçirdikləri ən iddialı, mürəkkəb və vacib layihə kimi təsvir edib.
