Türkiyə Prezident Rəcəb Tayyib Ərdoğan "FOX TV"nin aparıcısı Fatih Portakalı İstanbul Baş Prokurorluğuna şikayət edib.
Axşam.az "Haber Global"a istinadən xəbər verir ki, İstanbul Baş Prokurorluğuna göndərilən ərizədə Portakalın Tvitter hesabında ictimaiyyətə yalan, manipulyasiya xarakterli məlumatlar verməsi və prezidenti təhqir edən açıqlamalar paylaşması əks olunub. Fatih Portakal haqqında Türkiyə Cinayət Məcəlləsinin 299/1-2 nömrəli maddəsinə əsasən, istintaq aparılacaq.
Qeyd edək ki, Portakal sosial media hesabında prezident Ərdoğanın koronavirusla mübarizə çərçivəsində alınan hər yeni ehtiyat tədbirləri barədə qərarını canlı yayımda ictimaiyyətlə paylaşaraq bir sıra tənqidi fikirlər irəli sürüb.
