Bu gün Türkiyə Prezidenti Rəcəb Tayyib Ərdoğanla MHP lideri Dövlət Baxçalı görüşəcək.
Axar.az xəbər verir ki, bu barədə Türkiyə mediası məlumat yayıb.
Bildirilib ki, görüş yerli vaxtla saat 16:30-da (Bakı vaxtı ilə 17:30-da) baş tutacaq.
Baxçalının ötən ilin oktyabrın əvvəlində qrup toplantısındakı çıxışından sonra gündəmə gətirilən “Terrordan azad Türkiyə” hədəfi istiqamətində hökumətin atacağı addımların bugünkü iclasın gündəminə daxil edilməsi gözlənilir.
Bundan başqa, tərəflər arasında İmralıda PKK lideri Abdullah Öcalanla DEM Partiyasının nümayəndələri arasında baş tutan görüşün müzakirə olunacağı bildirilib.
Eyni zamanda, Suriyanın şimalında baş verən proseslər barədə də fikir mübadiləsi aparılacaq.
