Türkiyə Prezidenti Rəcəb Tayyib Ərdoğan 21-23 oktyabr tarixlərində ardıcıl olaraq Küveyt, Qətər və Omana rəsmi səfərlər edəcək.
Teleqraf xəbər verir ki, bu barədə Türkiyə Prezident Administrasiyasının Kommunikasiya İdarəsinin rəhbəri Burhanettin Duran bildirib.
Onun sözlərinə görə, səfərlər dövlət başçılarının dəvəti ilə həyata keçiriləcək.
"Ziyarətlər zamanı Türkiyə ilə bu ölkələr arasında ikitərəfli münasibətlərin bütün istiqamətlər üzrə nəzərdən keçirilməsi və əməkdaşlığın daha da genişləndirilməsi məsələləri müzakirə olunacaq. Görüşlərdə, həmçinin regional proseslər və beynəlxalq gündəmdəki aktual məsələlər barədə fikir mübadiləsi aparılması planlaşdırılır. Səfərlər çərçivəsində ikitərəfli münasibətlərin hüquqi bazasının möhkəmləndirilməsi məqsədilə bir sıra əməkdaşlıq sazişlərinin imzalanacağı gözlənilir",- Burhanettin Duran qeyd edib.
