Amerika əsilli rusiyalı bloger və jurnalist Patrik Lankasterin Gürcüstana girişinə icazə verilməyib.
Teleqraf xəbər verir ki, bu barədə o, “RİA Novosti”yə bildirib
Bloger Rusiyadan Gürcüstana quru sərhədi vasitəsilə daxil olmağa cəhd edib:
“Mənə Gürcüstana giriş icazəsi verilmədi. Onların qərarını 4 saat gözlədik, sonda rədd cavabı verdilər. Heç bir səbəb göstərmədilər. Bəllidir ki, jurnalist kimi fəaliyyətimə görə ölkəyə buraxılmadım”.
Lankaster qeyd edib ki, Rusiya-Gürcüstan sərhədinə ona reportaj hazırlamaqda kömək edən həyat yoldaşı Nadejda ilə quru yolu ilə gəlib. Məqsədləri Gürcüstan və Ermənistandakı vəziyyəti işıqlandırmaq olub.
“Tbilisidəki vəziyyəti görməyi və ola bilsin, hesabat hazırlamağı planlaşdırırdıq. Sonra Ermənistana getməyi planlaşdırırdıq. Dedilər ki, Nadejda keçə bilər, amma mənsiz getmədi”.
