Fələstin hökuməti dünya ictimaiyyətinə və BMT-nin humanitar təşkilatlarına müraciət edərək İsrail hakimiyyətinə təzyiqlərin artırılmasına və Qəzza zolağı ilə sərhəddə yerləşən bütün sərhəd-keçid məntəqələrinin açılmasına dair çağırış edib.
APA xəbər verir ki, bu barədə Fələstin WAFA informasiya agentliyi məlumat yayıb.
Bundan əlavə, Fələstin Nazirlər Kabineti İsraili "fələstinlilərə qarşı həyata keçirdiyi soyqırımı müharibəsində aclıqdan silah kimi istifadə etməyi dərhal dayandırmağa" çağırıb.
