Finlandiya prezidenti Aleksandr Stubb ABŞ prezidenti Donald Trampı inandırmağa çalışıb ki, Rusiyanın iqtisadiyyatı “İtaliyanınkından da kiçikdir” və onun ordusu uğursuzluq yaşayır — bu il Ukraynanın cəmi 1%-dən azını ələ keçirə bilib, faiz dərəcələri 20%-dən yuxarıdır və ehtiyatları tükənib.
Sherg.az "The Guardian"a istinadən xəbər verir ki, Stubb Tramp üzərində hələ də təsiri olan azsaylı Avropa liderlərindən biridir.
Stubb əlavə edib ki, Tramp “artıq Putindən bezməyə başlayır.”
O, həmçinin açıqlayıb ki, ABŞ senatorları Qrem və Blumental bu həftə Rusiyaya qarşı çox ağır sanksiyalar paketi təqdim edə bilərlər — o cümlədən Rusiya enerjisi alan ölkələrə qarşı 500%-lik tariflər də nəzərdə tutulur.
Tramp və Putin arasında telefon danışığının bazar ertəsi baş tutacağı gözlənilir. Ukrayna prezidenti Zelenski isə sülh danışıqları üçün yeni məkan kimi Vatikanı təklif edib.
