Fransa Prezidenti Emmanuel Makron Vyetnamda dövlət səfərində ikən iki ölkə arasında ümumi dəyəri 9 milyard avro olan müqavilələrin imzalandığını açıqlayıb.
Teleqraf xəbər verir ki, bu sazişlər bütün əsas sektorlarda, o cümlədən aviasiya və dəmir yolu sahəsində qarşılıqlı əməkdaşlığı nəzərdə tutur.
Makron Yelisey sarayının rəsmi səhifəsində yayımlanan çıxışında deyib ki, bağlanmış sazişlər iki ölkə arasında müdafiə, aviasiya və energetika sahələrində güclü əlaqələrə zəmin yaradır. Bu müqavilələr Fransa və Vyetnam arasında iqtisadi və strateji tərəfdaşlığın daha da güclənəcəyini göstərir.
Qeyd edək ki, Fransa Vyetnamın Avropada beşinci ən böyük ticarət tərəfdaşıdır. 2024-cü ildə Fransa ilə Vyetnam arasındakı ticarət dövriyyəsi 2023-cü illə müqayisədə 12,9% artaraq, 5,42 milyard dollara çatıb. Eyni zamanda, Fransa ümumi nizamnamə kapitalı 3,95 milyard dollar olan 700 aktiv investisiya layihəsi ilə Vyetnama investisiya yatıran 147 ölkə və ərazi arasında 16-cı sırada yer alır.
