Xelvaçauri rayonunun Axalsopeli kəndində, dörd nəfərlik bir ailənin evi yanaraq kül olub.
24News.ge xəbər verir ki, xoşbəxtlikdən yanğın zamanı xəsarət alan olmayıb.
Yerli sakinlərin sözlərinə görə, ev taxtadan olduğu üçün zərər çəkən ailə ev əşyalarını xilas edə bilməyib.
Hadisə yerinə üç yanğınsöndürmə və xilasetmə briqadası səfərbər olunub və yanğının ətraf ərazilərə keçməsinin qarşısı alınıb.
Xelvaçauri Bələdiyyəsi faktla bağlı araşdırmaya başlayıb və qeyd olunub ki, müvafiq komissiya zərər çəkən ailəyə kömək göstərəcək.
