Kobuleti rayonunun Çixancuri kəndində qeydə alınmış quduzluq halından sonra, rayonun daha iki kəndində bu hal aşkar olunub.
24News.ge xəbər verir ki, yeni quduzluq halının qeydə alındığı kəndlər Çxrapona və Cğavrokadır.
Məlumata əsasən, əvvəlki halda olduğu kimi, bu dəfə də quduzluq halı çaqqaldan keçib. Çaqqal kənd ərazisindəki iti dişləyib. Bundan sonra it tələf olub.
Kobuleti meriyasından verilən məlumata görə, quduzluq halının qeydə alındığı hər iki kənd iki ay müddətində karantində qalacaq.
Sözügedən kəndlərdəki ev heyvanları peyvənd ediləcək. Bu müddət ərzində əhali ev heyvanlarını tövlədə saxlamalı, ət və süd məhsullarının satışını həyata keçirməməlidirlər.
