Gürcüstanda yeni növ koronavirusa (COVID-19) yoluxanların sayı 589 nəfərə çatıb.
APA-nın yerli bürosunun xəbərinə görə, bu barədə Gürcüstan hökumətinin koronavirusla mübarizə çərçivəsində yaratdığı xüsusi internet saytında bildirilib.
Qeyd olunub ki, hazırda koronavirus səbəbi ilə 5066 nəfər karantində saxlanılır, 528 nəfər isə stasionar şəraitdə müalicə olunur. Yoluxanlardan 207-si sağalıb, 8-i isə dünyasını dəyişib.
Xatırladaq ki, Gürcüstanda yeni növ koronavirusa ilk yoluxma halı fevralın 26-da təsdiqlənib. Virusun sürətlə yayılmasının qarşısını almaq məqsədi ilə martın 21-də ölkədə fövqəladə vəziyyət rejimi elan edilib.
