HAMAS Siyasi Bürosunun üzvü Mahmud Mərdavi hərəkatın ABŞ prezidenti Donald Trampın Qəzza münaqişəsinin həlli planının bir hissəsi olaraq silahı yerə qoymağa razı olduğu iddiası ilə bağlı mediada yayılan xəbərləri təkzib edib.
APA xəbər verir ki, məsələ ilə bağlı bəyanat hərəkatın “Telegram” kanalında yayılıb.
"Mahmud Mardavi “Al Hadath TV” və bir sıra digər media orqanlarının Qəzza zolağında atəşkəs danışıqlarının gedişi və hərəkatın silahı yerə qoyma mövqeyi ilə bağlı səsləndirdiyi yalan iddiaları rədd edib. Bu iddialar əsassızdır və HAMAS-ın mövqeyini gözdən salmaq və ictimaiyyəti çaşdırmaq məqsədi daşıyır ", - bəyanatda deyilir.
