Koronavirusla bağlı yayılan məlumatların ardı-arası kəsilmir. Üzücü xəbərlərlə yanaşı, bir sıra maraqlı hadisələrin də baş verdiyi məlum olur. Koronavirusun ilk yayıldığı Çində iki həkim maraqlı bir vəziyyətlə qarşılaşıb.
Sherg.az xarici mediaya istinadən xəbər verir ki, Uhan şəhərində iki həkim koronavirusa yoluxub və tam müalicədən sonra xəstəliyin öhdəsindən gəliblər. Lakin sonrası qəribədir. Məlum olur ki, həkimlər- kardioloq Yi Fan və Uroloq Hu Weifengin dəri rəngi dəyişib.
Xəstaxanadakılar bu vəziyyətə mətəəl qalıblar. Mütəxəssislər isə bunu müalicə zamanı virusun qaraciyərə ziyan vurması ilə əlaqələndiriblər.
Bu hadisənin qısa müddətdə yayılmasından sonra Türkiyə Səhiyyə Nazirliyinin Koronavirus Elm Komitəsinin üzvü Prof. Dr. Hasan Tezer açıqlama verib.
"Koronavirus, reanimasiyaya yerləşdirildiyiniz zaman bütün sisteminizə təsir göstərə bilər. Bəlkə də virus qaraciyərin funksiyasına təsir etdiyi üçün dəri rənglərində dəyişiklik olub."
Virusa yaxalanan Dr. Hu Weifeng də başına gələnləri Çin mediası ilə bölüşüb. "Şüurum yerinə gəldikdə xəstəliyi eşidib qorxurdum. Tez-tez kabuslar gördüm”.
Mütəxəssislər, qaraciyərdə saxlanan dəmirin, orqanlar düzgün işləmədiyi zaman damarlara qanla dolması halında belə problemlərin verə biləcəyini bildirir. Bu səbəblə dəri rəngində bir dəyişiklik müşahidə olunur. Uroloq Dr. Li Shusheng həkimlərin zaman keçdikcə normal dəri rənglərinə dönəcəklrini də bildirib.
Bu cür köklü dəyişikliklər nəticəsində yaranan nəticə digər orqanlara da problemlər yarada bilər. Türkiyədə, ya da indiyə qədər Çindən başqa heç bir ölkədə koronavirusa dair belə bir hadisə görünməyib.
Turan
