HƏMAS İsrail ilə münaqişə dövründə sıralarına 15 minə qədər döyüşçü cəlb edib.
Teleqraf.com xəbər verir ki, bu barədə Röyters məlumat yayıb.
Məlumatda qeyd edilir ki, təxminən 15 ay ərzində Qəzza zolağında baş verən hərbi əməliyyatlar nəticəsində İsrail ordusu bu saya yaxın HƏMAS döyüşçüsü öldürüb.
Bundan əvvəl, İsrailin BMT-dəki daimi nümayəndəsi Dani Danon bildirib ki, HƏMAS yeniyetmələri döyüşə cəlb edir, amma onları nə silahlandırmaq, nə də hazırlamaq qabiliyyətinə malikdir.
