İçim qan ağlayaraq deyirəm, təəssüf ki, islam dünyası Fələstinlə bağlı ondan gözlənilənləri reallaşdıra bilmədi.
Axar.az xəbər verir ki, bunu Türkiyə Prezidenti Rəcəb Tayyib Ərdoğan Fələstinə Dəstək Parlament Qrupunun iclasında çıxışı zamanı deyib.
O bildirib ki, Fələstini müdafiə etmək insanlığı, sülhü və ədaləti müdafiə etmək deməkdir:
“Fələstin davası mahiyyət etibarilə insan olmaq və insan olaraq qalmaq uğrunda mübarizədir. Hazırda Qəzza viran qalıb. İsrail yeni hücumları ilə Qəzzanın qan damarı olan son tikililəri, xəstəxanaları, mülki yaşayış məntəqələrini və təmiz su mənbələrini bir-bir məhv edir.
Məsələnin daha ciddi tərəfi isə budur: Bütün bu qəddarlıqlar son 18 ayda bütün bəşəriyyətin, o cümlədən sivil adlanan dünyanın gözü qarşısında baş verir”.
