İstanbul Böyükşəhər Bələdiyyəsi (İBB) sədri vəzifəsindən uzaqlaşdırıldıqdan sonra Əkrəm İmamoğlu haqqında “təhqir” cinayətindən 2 il 4 aya qədər həbs cəzası ilə iş açılıb.
Sherg.az xəbər verir ki, Bakırköy Cumhuriyyət Baş Prokurorluğu tərəfindən hazırlanan ittiham aktında, 26 oktyabr 2024-cü ildə şikayətçi Serkan Şahinin Bakırköydə keçirilən SAHA EXPO Müdafiə, Hava və Kosmik Sənaye Sərgisi sahəsində gəzərkən təsadüfən təqsirləndirilən Əkrəm İmamoğlu ilə qarşılaşdığı qeyd olunub.
İttiham aktında, şikayətçi Şahin və təqsirləndirilən İmamoğlu arasında 3-5 metr məsafə olduğu zaman şikayətçinin digər birinə “Burada gəzirdi də, şəhid oldu əsgərimiz. İndi nə olacaq? Dünən isə Zeydanı öz məqamında qarşıladı.” dediyi, həmin zaman İmamoğlunun söylənənləri eşidərək şikayətçiyə “Sakitləş, vaxtı gələndə danışarıq. Sən siyasətə davam et, şirinim. Çirkin siyasətinə davam et, sən bayağı çirkinsən.” deyə cavab verməsi nəticəsində şikayətçi olduğu bildirilib.
İttiham aktında ifadəsinə yer verilən Əkrəm İmamoğlu söylədiyi sözlərin şikayətçinin şərəf və nüfuzuna xələl gətirəcək səviyyədə olmadığını müdafiə edib.
İmamoğlu bunun nəzakətsiz və kobud sözlər olduğunu iddia edərək, söylədiyi sözlərin şikayətçinin şəxsiyyətinə yox, hərəkətinə yönəldiyini bildirib.
İttiham aktında, başqa cinayətdən həbsdə olan Əkrəm İmamoğlu haqqında “təhqir” cinayətindən 3 ay 15 gündən 2 il 4 aya qədər həbs cəzası istənilib.
Bundan əlavə, İmamoğlu üçün Türkiyə Cinayət Məcəlləsinin (TCK) 53-cü maddəsi çərçivəsində siyasi məhdudiyyət tətbiqi tələb olunub.
İşin baxılması üçün Bakırköy 33-cü Asliye Cinayət Məhkəməsinə göndərilmiş ittiham aktı qəbul edilib.
