İranın xarici işlər naziri Abbas Əraqçi və fransalı həmkarı Jan-Noel Barro arasında telefon danışığı olub.
Teleqraf xəbər verir ki, bu barədə İran Xarici İşlər Nazirliyi məlumat yayıb.
Danışıqlarda Avropa ölkələrinin İrana qarşı sanksiyaları bərpa etmək üçün işə saldığı “snapback” mexanizmi müzakirə edilib.
Abbas Əraqçi bu mexanizmi qanunsuz adlandırıb, onun böhranı daha da dərinləşdirəcəyini deyib. O, İranın nüvə proqramının sülhməramlı xarakter daşıdığını vurğulayıb və diplomatiyanın yeganə həll yolu olduğunu qeyd edib.
Fransa XİN rəhbəri isə gərginliyin artmasından narahatlığını ifadə edərək, dialoqun davam etdirilməsinin vacibliyini bildirib.
Nazirlər həmçinin ikitərəfli münasibətlər və konsulluq məsələlərini müzakirə ediblər.
