"İran nüvə silahına sahib olmayacağını təmin edən bir razılaşma imzalamağa hazırdır".
Teleqraf xəbər verir ki, bunu İran xarici işlər naziri Abbas Əraqçi Tehranda çıxışı zamanı deyib.
Əraqçı bildirib ki, İsrail rejimi nüvə məsələsində heç bir razılaşma əldə etmək istəmir:
"Biz özümüzü müdafiə edirik. Müdafiəmiz tamamilə qanunidir. Bu müdafiə təcavüzə cavabdır. ABŞ ilə nüvə danışıqlarına girdik və 5 raund danışıqlar apardıq. Altıncı raundda biz Amerika tərəfinə mümkün razılaşma planımızı təqdim etməli idik. Əvvəlki raundda Amerika tərəfi bizə, fikrimizcə, problemləri olan və məqbul olmayan bir təklif vermişdi. Biz öz fikirlərimizi bildirdik və bugünkü iclasda təqdim etmək üçün əks təklif hazırladıq. Bizim təklifimiz razılaşmaya yol aça bilərdi. ABŞ bizi inandırmalıdır ki, İrana hücumlarda iştirak etməyib. Sazişin məqsədi İranın qanuni hüquqlarından məhrum etmək olmamalıdır".
