İsrail Hərbi Hava Qüvvələri (HHQ) Livanın cənubundakı Nabatiye bölgəsində radikal "Hizbullah" hərəkatına aid silah daşıyan yük maşınına və digər nəqliyyat vasitəsinə zərbələr endirib.
“Report” xəbər verir ki, bu barədə İsrail Müdafiə Qüvvələrinin Mətbuat xidməti məlumat yayıb.
“İsrail Ordusu yük maşını və digər nəqliyyat vasitəsinin silah daşıdığını müşahidə etməsindən sonra hücuma məruz qalıb”, - məlumatda deyilir.
Hərbçilər bildiriblər ki, "Hizbullah”ın Livanın cənubuna qayıtmaq cəhdlərinə baxmayaraq, ordu İsrail və Livan arasındakı razılaşmalara uyğun olaraq fəaliyyətə davam etməkdə qərarlıdır. Qeyd olunub ki, hərbçilər İsrail və onun vətəndaşları üçün yarana biləcək hər hansı təhlükəyə qarşı hərəkət edəcəklər.
