İsrailin maliyyə naziri və ifrat sağçı Dini Sionizm Partiyasının lideri Bezalel Smotriç istefa verdiyini və parlament üzvü kimi Knessetə (parlament) qayıtdığını bəyan edib.
Axar.az xəbər verir ki, bu barədə “Tayms of İsrail” məlumat yayıb.
Məlumata görə, Smotriç qərarını Baş nazir Benyamin Netanyahuya yazdığı məktubda açıqlayıb.
O, məktubunda nazir vəzifəsindən istefa verdiyini, lakin bunun müvəqqəti tədbir olduğunu və tezliklə hökumətə qayıtmaq niyyətini izah edib.
Smotriçin istefa verməsinə səbəb İtamar Ben-Qvirin Otzma Yehudit (Yəhudi Gücü) Partiyasının koalisiya razılaşmalarını pozması olub.
Mövcud vəziyyət nəticəsində Dini Sionizm Partiyasından olan deputat Tsvi Sukkot parlamentdəki yerini itirib.
