İsveçrə parlamentinin Milli Şurası (böyük palata) Kiyevə 4,8 milyard İsveçrə frankı (5,5 milyard dollar) məbləğində əlavə humanitar yardımın ayrılması ilə bağlı iki eyni təklifin əleyhinə səs verib.
Axar.az xəbər verir ki, bu barədə ölkə parlamentinin saytında məlumat yayılıb.
Bildirilib ki, Şura üzvlərindən 111-i təkliflərin əleyhinə, 73-ü lehinə səs verib, dördü isə bitərəf qalıb:
“Sosial Demokratlar və Yaşıl Liberallar arasından olan təşəbbüskarlar İsveçrənin bir sıra ölkələrə ayırdığı humanitar yardım fondlarından Ukraynaya əlavə vəsaitin ayrılmasını müdafiə ediblər. Söhbət əlavə 4,8 milyard İsveçrə frankından (5,5 milyard dollar) gedirdi”.
Milli Şura qeyd edib ki, hökumət 2028-ci ilə qədər az inkişaf etmiş ölkələrə yardım göstərmək proqramları çərçivəsində Ukraynaya 1,5 milyard frank (1,7 milyard dollar) kredit ayırıb:
“Bu, öhdəliklər təklifləri lazımsız edir”.
