İtaliya Ukraynada mümkün hərbi missiyada iştirak etməyi nəzərdə tutmur.
Axar.az xəbər verir ki, bu barədə ölkənin Baş naziri Corciya Meloninin mətbuat xidməti tərəfindən yayımlanan bəyanatda bildirilir.
Bəyanatda qeyd olunur ki, baş nazir İtaliyanın Avropa tərəfdaşları və ABŞ ilə birlikdə Ukraynaya möhkəm və effektiv təhlükəsizlik zəmanətləri müəyyən etmək istiqamətində işi davam etdirmək niyyətində olduğunu təsdiqləyib.
O, həmçinin ölkənin mümkün hərbi missiyada iştirakının nəzərdə tutulmadığını da vurğulayıb.
