İsrailin Baş naziri Benyamin Netanyahunun Macarıstana səfəri fonunda rəsmi Budapeştin Beynəlxalq Cinayət Məhkəməsindən çıxa biləcəyi barədə xəbər yayılıb.
APA-nın məlumatına görə, bu barədə İsrailin “Israel Hayom” qəzeti yazıb.
O da bildirilib ki, sözügedən proses təqribən 1 il boyunca, Macarıstan Parlamentinin qərarından sonra həyata keçiriləcək.
Bu arada, Avropa Komissiyasınnı mətbuat əlaqələndiricisi Anita Hipper məsələni şərh edərkən qurumun bu barədə hər hansı bildiriş almadığını bəyan edib.
Qeyd edək ki, ötən ilin sonlarında Beynəlxalq Cinayət Məhkəməsi İsrailin Baş naziri Benyamin Netanyahu və sabiq müdafiə naziri Yoav Qallantın həbsinə order verib.
Xatırladaq ki, Baş nazir Macarıstanda səfərdədir.
