Rusiya 2026-cı ildə büdcəni kəsirsiz etmək üçün imkanlar axtarır. Bunun üçün də Rusiya Milli Rifah Fondundan pul götürməyi, vergi və rüsumları artırmağı planlaşdırır.
Teleqraf xəbər verir ki, bu barədə Ukrayna Xarici Kəşfiyyat Xidməti məlumat yayıb.
Kəşfiyyat orqanlarının məlumatına görə, Rusiya dövlət büdcəsinin gəlirlərində neft və qazın payı gözlənilməz şəkildə azalır. 2026-cı ildə bu, 20-22%-ə düşəcək, baxmayaraq ki, əvvəllər Rusiya Maliyyə Nazirliyinin rəhbəri Anton Siluanovun sözlərinə görə, bu rəqəmlər 50%-ə çatırdı.
Kreml 2026-cı ildə büdcə boşluğunu doldurmağın yollarını axtarır. Hazırda üç mümkün “yaxşılaşdırma” variantı nəzərdən keçirilir, lakin onların hamısı son nəticədə Rusiya vətəndaşına ağır zərbə vuracaq.
