Kreml Rusiya nümayəndə heyətinin Suriyanın yeni hakimiyyət orqanları ilə təmaslarını vacib hesab edir və dialoq davam etdiriləcək.
Axar.az xəbər verir ki, bunu Kremlin mətbuat katibi Dmitri Peskov deyib.
"Bu, vacib səfərdir, mühüm təmaslardır. Çünki Suriya hakimiyyət orqanları ilə daimi dialoq qurmaq və saxlamaq lazımdır ki, bunu edirik və edəcəyik", - o bildirib.
Qeyd edək ki, Rusiya xarici işlər nazirinin müavini Mixail Boqdanov və Rusiya Prezidentinin Suriya üzrə xüsusi nümayəndəsi Aleksandr Lavrentyevin də daxil olduğu nümayəndə heyəti Suriyaya səfər edib.
