"Vladimir Putinin Zelenski ilə birbaşa danışıqlardan yayınmasının səbəbi Qərb ölkələrinin təxribatdır".
Teleqraf xəbər verir ki, bunu Rusiya xarici işlər naziri Sergey Lavrov deyib.
"Qərb ölkələri danışıqların baş tutmaması üçün bəhanə axtarır. Onlar bunun özlərinin və ya Zelenskinin günahı kimi görünməsini istəmir. Zelenski isə danışıqlar üçün şərtlər irəli sürür və Putinin dərhal görüşməsini tələb edir", - o qeyd edib.
Lavrov həmçinin Qərbin Putin və Donald Tramp tərəfindən başlanan və "yaxşı nəticələr" verən prosesi pozmağa cəhd etdiyini iddia edib. Lavrov Moskvanın bu cəhdlərin qarşısını alacağına ümid etdiyini qeyd edib.
