Los-Anceles vilayətindəki meşə yanğınlarında 31 nəfər itkin düşüb.
AZƏRTAC-ın məlumatına görə, bu sözləri keçirdiyi mətbuat konfransı zamanı vilayət rəhbərliyi deyib. Bildirib ki, yanğınlardan sonra itkin düşmüş 43 nəfər barədə məlumat verilib və onlardan 12-nin sağ olduğu müəyyən edilib. Əlavə edilib ki, 31 nəfərdən 24-ü İton, 7-si isə Paliseyds bölgəsində itkin düşüb.
Təxminən 82 min 400 nəfər təxliyə, 90 min 400 nəfər isə təxliyə xəbərdarlığı altındadır.
Qeyd edək ki, Los-Ancelesdə gələn həftənin əvvəlindən növbəti dəfə şiddətli küləyin müşahidə olunacağı proqnozlaşdırılır.
