Fransa daxili işlər naziri Brüno Retayo Luvr muzeyində baş vermiş oğurluq hadisəsinin təfərrüatlarını açıqlayıb.
APA-nın xəbərinə görə, bu barədə “Le Parisien” qəzeti yazıb.
Nazir bildirib ki, cinayətkarlar muzeyə daxil olmaq üçün avtomatik tikinti pilləkənindən istifadə ediblər.
Məlum olub ki, oğrular Sene çayı sahilindən, hazırda təmir işləri aparılan ərazidən muzeyə daxil olublar.
Onlar Apollon qalereyasındakı zala birbaşa giriş əldə etmək üçün yük liftindən istifadə ediblər.
***
saat 15.05
Bu gün səhər Parisdəki Luvr muzeyindən oğurlanan qiymətli zinət əşyalardan biri tapılıb.
APA-nın xəbərinə görə, bu barədə “Le Parisien” məlumat yayıb.
Qeyd edilib ki, Napoleonun həyat yoldaşının - imperatriçənin tacından söhbət gedir. Tac sınmış vəziyyətdə aşkarlanıb.
O da məlum olub ki, oğurluq cəmi 7 dəqiqə ərzində həyata keçirilib, xəbərdarlıq siqnalları işə düşməyib.
***
saat 14.23
Parisdəki məşhur Luvr muzeyində oğurluq hadisəsi baş verib.
APA-nın xəbərinə görə, bu barədə yerli media məlumat yayıb.
Beş nəfər naməlum şəxs Sene çayı tərəfindən muzeyə daxil olaraq Napoleona və imperatriçəyə aid zinət əşyalarını – boyunbağı, bər-bəzək broşu və diademanı oğurlayıblar.
“Le Parisien” nəşrinin yazdığına görə, cinayətkarlar hazırda təmir işləri aparılan binaya yük liftindən istifadə etməklə daxil olublar və “Apollon qalereyasında” yerləşən otağa çataraq doqquz eksponatı ələ keçiriblər.
Hazırda muzey fəaliyyətini dayandırıb, oğruların axtarışı isə davam edir.
