100-dən çox müstəntiq Parisdəki Luvr soyğununu araşdırır və cinayətkarların qaçış yolunu öyrənirlər.
Axar.az xəbər verir ki, bu barədə Paris prokuroru Lora Beko məlumat verib.
Beko bildirib ki, müstəntiqlərin sayı 60-a yaxın idi, hazırda isə 100-dən çoxdur. Adi istintaqla müqayisədə resurslar on dəfə artıb:
“Hadisə yerindən 150-dən çox DNT nümunəsi, barmaq izləri və digər maraqlı materiallar toplanıb. Müstəntiqlər həmçinin cinayətkarların qaçış yolu boyunca şahidlərin çəkdiyi videoları və müşahidə kameralarının görüntülərini araşdırmağa davam edirlər ki, onların gizləndiyi ehtimal olunan yeri müəyyən etsinlər”.
Qeyd edək ki, oktyabrın 19-da Luvr muzeyi qarət olunmuş, imperator III Napoleona məxsus zinət kolleksiyasından 9 əşya oğurlanıb.
