Fransa Prezidenti Emmanuel Makron amerikalı həmkarı Donald Trampdan Vaşinqtonda soyuq qəbula görə qisas alır.
Axar.az xəbər verir ki, bunu Rusiya Federasiya Şurasının informasiya siyasəti komissiyasının sədri Aleksey Puşkov deyib.
“Təsadüfi deyil ki, Makronun televiziya ilə fransızlara müraciəti Trampın Konqresin hər iki palatasında çıxış etdiyi günə salınıb. Və o, Ukrayna məsələsində Trampdan tamamilə fərqli bir xətt tutacağını açıqlayıb. Makron Trampdan daha zəif fiqurdur, lakin Paris Amerika dərin dövlətinin bir daha Trampa qalib gələcəyinə və Fransanın vahid, hərbiləşdirilmiş Avropaya rəhbərlik edəcəyinə ümid edir”, - Puşkov bildirib.
