Myanmada baş verən güclü zəlzələ nəticəsində ölənlərin sayı 3,1 min nəfəri keçib.
“Report” xəbər verir ki, bu barədə Çin Mərkəzi Televiziyası Myanma dövlət mediasına istinadən məlumat yayıb.
“Myanmada baş vermiş güclü zəlzələ nəticəsində 3 145 nəfər ölüb, 4 589 nəfər yaralanıb, daha 221 nəfər itkin düşüb”, - telekanalın açıqlamasında bildirilir.
Daha əvvəl 3085 ölüm halı qeydə alınmışdı.
Xatırladaq ki, martın 28-də Myanmada 7,7 maqnitudalı zəlzələ baş verib və yeraltı təkanlar Tailand da daxil olmaqla, 5 qonşu ölkədə hiss olunub.
