NATO-nun Birləşmiş Silahlı Qüvvələrinin transformasiya üzrə baş komandanı admiral Pyer Vandye Ukraynanın Rusiya ərazisində həyata keçirdiyi unikal “Pautina” xüsusi əməliyyatını nümunəvi taktika kimi dəyərləndirib və bunun Qərb orduları üçün əhəmiyyətli dərs olduğunu bildirib.
Teleqraf xəbər verir ki, bunu o, AFP-yə müsahibəsində deyib.
Onun sözlərinə görə, bu əməliyyat qədim “Troyan atı” taktikalarının müasir texnoloji yeniliklərlə yenidən formalaşmasıdır: “Ukrayna tərəfi göstərdi ki, müasir müharibədə yaradıcı yanaşma və sürətli adaptasiya qalibiyyət üçün həlledicidir. Bu, orduların sadəcə planlara deyil innovasiyaya da daim hazır olmaları lazım olduğunu sübut etdi.”
Qeyd edək ki, Ukrayna Təhlükəsizlik Xidməti iyunun 1-də həyata keçirdiyi “Pautina” əməliyyatında Rusiyanın dörd böyük hava bazasına uğurlu zərbələr endirib.
Hücum nəticəsində 41 strateji təyyarə məhv edilib.
