"İsrail döyüşdüyü hər yerdə böyük qələbələr qazanıb".
Oxu.Az xəbər verir ki, bunu İsrailin Baş naziri Benyamin Netanyahu xalqa videomüraciətində bildirib.
"Güclərimizi birləşdirərək, biz böyük qələbələr əldə etdik. Bütün dünyanı şoka salan qələbələr. Harada döyüşsək, qalib gəldik", - o deyib.
Baş nazirin sözlərinə görə, İsrail hələ də təhlükəsizlik problemləri ilə üzləşir.
"Kampaniya hələ bitməyib. Biz hələ də böyük təhlükəsizlik problemləri ilə üzləşirik. Düşmənlərimizdən bəziləri yenidən bizə hücum etmək üçün özlərini bərpa etməyə çalışırlar. Amma biz doğru yoldayıq", - deyə Netanyahu qeyd edib.
