Dünya liderləri Misirdə keçiriləcək Qəzza zirvəsinə yola düşərkən, İsrailin Baş naziri Benyamin Netanyahunun da zirvəyə qatılacağı açıqlanıb. Netanyahu Misir Prezidenti Əbdülfəttah əs-Sisi ilə telefonla danışıb.
Sherg.az xəbər verir ki, "Reuters" xəbər agentliyinin məlumatına görə, İsrailli bir rəsmi bildirib ki, Baş nazir Benyamin Netanyahu Misirdə keçiriləcək Qəzza zirvəsində iştirak etməyi nəzərdən keçirir.
İsrailin dövlət xəbər agentliyi Kan isə ABŞ Prezidenti Donald Tramp və Netanyahu-nun Misir Prezidenti Əbdülfəttah əs-Sisi ilə telefon danışığı apardıqlarını xəbər verib.
Kan həmçinin Netanyahunun Misirdəki zirvəyə qatılmasının gözlənildiyini yazıb.
Daha sonra Misir tərəfindən verilən rəsmi açıqlamada, Netanyahunun zirvədə iştirak edəcəyi rəsmən təsdiqlənib.
Qəzzadə qüvvəyə minmiş atəşkəs razılaşmasından sonra planlaşdırılan sülh zirvəsi bu gün Misirin Şarm əl-Şeyx şəhərində keçiriləcək.
Zirvədə Misir Prezidenti Sisi, ABŞ Prezidenti Donald Tramp və Türkiyə Prezidenti Rəcəb Tayyib Ərdoğan da daxil olmaqla bir sıra dövlət başçıları iştirak edəcəklər.
