ABŞ Prezidenti Donald Trampın hakimiyyətə qayıdışı artıq Avropa hökumətlərini növbəti dörd il ərzində transatlantik alyansın parçalanmasının qarşısını necə almaq barədə düşünməyə vadar edib. Eyni zamanda, ABŞ-ın vitse-prezidenti Ceyms Devid Vensə görə Vaşinqtonla AB arasında bu ziddiyyətin daha qalıcı ola biləcəyindən dolayı narahatlıq artır.
Axar.az xəbər verir ki, bu barədə “Blumberq” məlumat yayıb.
Məlumata görə, Vens fevral ayında Münhendəki çıxışından sonra tez bir zamanda Avropa rəsmilərinin gözündə əsas düşmənə çevrilib:
“Münhen Təhlükəsizlik Konfransında Vensin çıxışı onun Trampdan daha təhlükəli antiavropa siyasətçisi imicini möhkəmləndirdi. Onun xarakteri Vaşinqtonun ABŞ-ın ənənəvi müttəfiqlərinə hazırkı skeptik yanaşmasının Trampdan sonra da davam edəcəyinə işarədir”.
Qeyd edək ki, fevralın 14-də Münhen Təhlükəsizlik Konfransında Vens AB-ni senzuraya, o cümlədən sosial medianı əngəlləməsinə görə tənqid edib.
