“Avropa İttifaqı (Aİ) liderləri Ukrayna vasitəsilə Rusiyaya qarşı müharibə aparır və qarşıdakı 10 il ərzində öz vəzifələrini Moskvaya qarşı çıxmaqda görürlər”.
Teleqraf xəbər verir ki, bunu Macarıstan Baş naziri Viktor Orban deyib.
Baş nazir Rusiya-Ukrayna müharibəsindən danışarkən qeyd edib ki, Brüssel Ukraynaya ümumavropa maraqlarının qorunduğu “Avropanın ön müdafiə xətti” kimi baxır.
“Onlar düşünürlər ki, Ukrayna ordusu olmasaydı, Rusiya Avropa İttifaqına hücum edərdi. Bu səbəbdən Avropada hesab edirlər ki, yaxın 10 il üçün ən vacib vəzifə bizimlə qarşılaşacağı düşüncəsi ilə rusların əleyhinə çıxmaqdır”, - Orban əlavə edib.
Macarıstan hökumətinin başçısı əlavə edib: “Avropa liderləri ukraynalıların bizim üçün döyüşdüklərinə inanırlar, amma reallıqda bizim üçün proksi müharibəsi aparılır”.
Orban vurğulayıb ki, Macarıstan bu yanaşma ilə razı deyil və tezliklə atəşkəs əldə olunmasını və münaqişənin sülh danışıqları ilə həllinin tərəfdarıdır.
