“Ermənistan Baş naziri Nikol Paşinyan Zəngəzur dəhlizi ideyasını qanuniləşdirib”.
Teleqraf xəbər verir ki, bunu Ermənistanın sabiq xarici işlər naziri Vardan Oskanyan deyib.
Diplomat İrəvanın Zəngəzur dəhlizi məsələsində Bakıya uduzduğunu qeyd edərək, Azərbaycanın bu tələbinin qəbul edilməsini “məğlubiyyət” adlandırıb.
“Paşinyan və hökuməti dəhliz ideyasını nəinki rədd etmədi, əksinə, susqunluq, ziddiyyətli bəyanatlar və güzəştlərlə qanuniləşdirdi. Ermənistanın diplomatik mövqeləri itirilib, həm də Azərbaycanın gələcək tələblərinə, o cümlədən Sünik ərazisindən (Qərbi Zəngəzur) suveren dəhliz ideyasına müqavimət göstərmək üçün hüquqi və mənəvi əsaslar məhv edilib”, - sabiq nazir bildirib.
Oskanyan əlavə edib ki, Bakının bu tələbini qəbul edən İrəvan Qərbi Zəngəzurdan Şərq-Qərb ticarət marşrutlarına xidmət etmək üçün həyati bir yol kimi təsəvvür etməyə başlayıb.
