"Çin xarici işlər naziri Van İ bildirib ki, ABŞ ticarət müharibəsini davam etdirərsə, Pekin də sona qədər cavab verəcək".
Teleqraf xəbər verir ki, o, bu fikirləri Braziliyada keçirilən BRIKS toplantısında səsləndirib.
“Əgər ABŞ mübarizə aparmaq istəyirsə, biz də hazırıq. Əgər dialoqa hazırsınızsa, o zaman bir-birimizi bərabər tərəf kimi qəbul etməliyik”,- o qeyd edib.
Nazir bildirib ki, Çin yalnız öz maraqlarını yox, həm də dünyanın gələcəyini qoruyur. O həmçinin BRIKS ölkələrini beynəlxalq qaydalara hörmət etməyə və ədalətli dünya qurmağa çağırıb.
“Dünya bir ölkənin hökm sürdüyü təkqütblü sistemlə davam edəcək, yoxsa hamının söz sahibi olduğu çoxqütblü sistem qurulacaq?”
ABŞ-nin yeni tarif qərarları:
Ətraflı
Aprelin 2-də ABŞ Prezidenti Donald Tramp 185 ölkəyə yeni gömrük tarifləri tətbiq etdiyini açıqlayıb. Bu tariflər aprelin 5-də qüvvəyə minib. Hamıya şamil olunan tarif 10%-dir.
Aprelin 9-da Tramp bəzi ölkələr üçün bu tarifləri 90 gün dayandırdığını bildirib. Bu müddətdə yalnız 10%-lik ümumi tarif qüvvədə olacaq.
ABŞ-nin Çin məhsullarına tətbiq etdiyi tariflər hazırda 145%-ə çatır. Cavab olaraq, Çin də ABŞ mallarına tətbiq olunan tarifləri 125%-ə qaldırıb.
