Pentaqonun rəhbəri Lloyd Austin Ramşteyn formatında Ukrayna üzrə növbəti görüş üçün Almaniyaya səfərə yola düşüb.
APA xəbər verir ki, bu barədə o, “X” platformasındakı paylaşımında bildirib.
Lloyd Austin bunun müdafiə naziri kimi Ramstein Hava Bazasına son səfəri olduğunu bildirib: “Ukraynaya suveren ərazisini müdafiə etmək üçün bir araya gələn tarixi koalisiya olan Ukraynanın Müdafiəsi üzrə Təmas Qrupunun 25-ci toplantısına sədrlik etmək üçün Almaniyaya gedirəm”.
Qeyd edək ki, Ukraynanın Müdafiəsi üzrə Təmas Qrupunun iclası yanvarın 9-da baş tutacaq.
