İran Prezidenti Məsud Pezeşkian ölkə rəhbəri Əli Xameneiyə ABŞ-la dolayı danışıqların aparılmasına icazə verdiyinə görə təşəkkür edib.
Axar.az xəbər verir ki, bu barədə İran mediası məlumat yayıb.
Məlumata görə, Prezident Nazirlər Kabinetinin ötən gün keçirilən iclasında Xameneinin bu addımını yüksək qiymətləndirib.
Qeyd edək ki, aprelin 12-də Omanın paytaxtı Maskatda ABŞ-İran danışıqları baş tutub. Danışıqların ikinci raundu 19 apreldə keçiriləcək.
