Qırmızı dənizdə Honkonq bayrağı altında üzən konteyner gəmisində partlayış baş verib.
Axar.az xəbər verir ki, bu barədə “AP Diaplous Group” dəniz təhlükəsizliyi şirkəti məlumat yayıb.
Hadisə Yəmənin Hodeyda limanından 225 km məsafədə baş verib. Yanğınla nəticələnən partlayışın səbəbi hələ ki məlum deyil.
Heyət üzvləri gəmini tərk edib. Hadisə nəticəsində xəsarət alan olmayıb.
Dəniz daşımaları sahəsindəki mənbə agentliyə bildirib ki, konteyner gəmisində "təhlükəli" yük olub. O, gəminin məhz nə daşıdığını açıqlamayıb.
